Stefnumótun
Hinn 1. október 2006 verða liðin 10 ár frá því Siglingastofnun tók til starfa. Með tilliti til þess og nauðsynlegrar endurnýjunar á samstarfssamningi við samgönguráðuneytið hófst árið 2003 skipuleg umræða um stöðu og framtíð stofnunarinnar.
Um mitt ár 2005 lá fyrir staðfest stefnumótun sem hér birtist. Til stuðnings henni voru einnig samþykktar áætlanir og aðgerðir á afmörkuðum sviðum, sjá
Leiðarljós
Í örugga höfn
Hlutverk
Siglingastofnun Íslands er framsækin þjónustustofnun sem skapar hagkvæmar aðstæður til siglinga og fiskveiða og vinnur að öryggi á sjó og strandsvæðum
Gildi
Samvinna, þjónusta, frumkvæði
Framtíðarsýn
Siglingastofnun Íslands mun:
vinna að öryggi og aukinni velferð sjófarenda
vinna að hagkvæmni í siglingum, sjávarútvegi og samgöngum
reka öflugustu upplýsinga- og leiðsöguþjónustu í N-Atlantshafi
starfa sem viðurkennd þekkingar- og rannsóknarmiðstöð á sviði siglinga- og hafnamála
veita framúrskarandi þjónustu og ráðgjöf á sérsviðum stofnunarinnar
vera virkur þátttakandi í mótun heildarstefnu stjórnvalda um samgöngur, skip, hafnir, strandlengju og umhverfismál sjávar
vera virkur þátttakandi í alþjóðlegu samstarfi
Meginmarkmið
Að veita viðskiptavinum öfluga fyrsta flokks þjónustu
Hafa á að skipa ánægðu og vel menntuðu starfsliði
Að byggja reksturinn á góðri nýtingu fjárheimilda, öflugri áætlanagerð og eftirfylgni
Að innra starf stofnunarinnar sé skilvirkt
Stuðla að hagkvæmni í uppbyggingu og rekstri hafna, leiðsögukerfa og annarar öryggisþjónustu fyrir skip
Stuðla að því að lög og reglur um siglingamál tryggi sem best öryggi sjófarenda og séu jafnan í samræmi við samfélagsþarfir
Að sinna eftirlitshlutverki sínu með prýði
Að vinna að rannsóknum og gagnaöflun á sérsviðum stofnunarinnar
Tryggja að alþjóðlegar reglur taki mið af íslenskum hagsmunum