Alþjóðlegt samstarf
Siglingastofnun er þátttakandi í alþjóðasamstarfi af ýmsu tagi. Fyrir hönd Íslands annast stofnunin öll samskipti við Alþjóðasiglingamálastofnunina (IMO), Alþjóðasamtök vitastofnana (IALA) og Alþjóðasamtök á sviði hafnamála (PIANC).
Stofnunin tekur einnig þátt í ýmsum fundum sem varða verkefni stofnunarinnar hjá EES/ESB í Brussel, Siglingaöryggisstofnun Evrópu (EMSA). Alþjóðavinnumálastofnuninni (ILO) og í norrænu samstarfi. Siglingastofnun fer jafnframt með framkvæmd samningsins um hafnarríkiseftirlit (Paris MOU) og þau erlendu samskipti sem honum tengjast.